Jember – Jempol. Yo opo sakjane karepe Bupati Jember dr Faida MMR iki, ono ASN wis diputus penjara mergo kenek OTT, sik trimo gaji, kabare malah durung dipecat.
Opo ancene Negoro iki maringi parlakuan khusus nang Faida, oleh gawe aturan sak karepe udele ?.
Mantan Kepala Dinas Kependudukan dan Catatan Sipil Kabupaten Jember Sri Wahyuni wis diputus bersalah mergo OTT mungut biaya ngurus KTP, dipenjara setahun lebih, tapi jarene sik terimo gaji lan durung dipecat statuse sik ASN.
Tak gawe perbandingan ae yo, ono kasus mirip, soal korupsi pengadaan ATK kanggo arek TK, malah wis dipecat. Jempol duwe data resmine.
Iki kan gak adil, mosok sijine dipecat, sijini malah ongkang – ongkang nrimo gaji.
Kanggo jelasno kasus iki, Jempol takon langsung nang Bagian Hukum Kemendagri. Jarene petugas mendagri, senin (03/02/20), yo kudune diperlakokno podo. Soale ono aturane, pegawai negeri sing kenek kasus korupsi wis mesti kudu dipecat.
Ngene iki terus kudu lapor nang sopo ? Jan wis koyok gak ono negoro. Lah, lek ancen gak ono gunane aturan yo ojo digawe ben ora bingungno masyarakat. (*)
