Jarene Lukman, Jember Durung Duwe Perda Sampah Paling Mergo Bupatine Bengkerengan Karo DPR re

Loading

Jember – Jempol. Ngurusi sampah ancene gak gampang, rupane Jember sik durung duwe Perda Sampah. Iku jarene Aktivis Lingkungan Jember Lukman Hakim, Senin (17/02/2020).

Lukman nuturno bab sampah, nalikane persiapan ngadepi Hari Peduli Sampah Nasional sing jarene kate dilaksnakno tanggal 20 – 21 Februari 2020 nang Kecamatan Kaliwates.

Lukman ngaku bingung opoo kok Kabupaten Jember durung duwe Perda Sampah, padahal jarene iku penting supoyo wong wong gak sembarangan buwang sampah.

“Padahal Bupati Faida wis tau ngomong nalikane acara nang Kali Bedadung, tanggal 21 september 2019, soal perda sampah bakal segera di terbitno,” jare Lukman.

Ngantri sperene lawase, wis limang wulan, sik durung ono kabare kejelasane perda sampah.

“Mbuh opoo, paling mergo bupati karo DPRD ne gak harmonis, tukaran tok,” sesal Lukman.

Yo percuma ae ono kegiatan bersih bersih kali, kalau masyarakate sik seneng buwak sampah sembarangan.

“Mangkane perlu aturan, supoyo nasyarakat sing tertib oleh ganjaran, sing gak tertib yo oleh hukuman,” tegese Lukman. (*)

Table of Contents