Bunganah Keluarga Alm Sumhadi Bisa é Bêktah Pleman Derih Mancah

0
133

Jempolindo.id – Jember. Epakoah bunga rasanah ateh, penakan wafat ning negereh mancah, Hasim makelen keluarga almarhum Sumhadi ngatoragi rajeh mator seklangkong dek Pemerinta Kabupaten Jember,  otamanah dek Wabup Jember KH Abdul Muqit Arief. Jum’at (12/7/19)

“mator seklangkong se sobung betesah,   de’  Pemerintah Kabupaten Jember, utamanah  Bupati sareng Wabup, jugen sedejeh se ampon abentoh abektah pleman  jenazahepon Matjuri,” atorepon.

Enga’ senangisah, Hasim aromasah manabi  sobung bentonah  Pemkab Jember sé ampon pal tepelpal ngoroséh administrasi plémana  Matjuri,  rassanah sobung cretanah  jenazah penakanah  bisah é bêktah pleman.

“Manabi sobung bentonah  ajunanepon rasssanah  jenazah Matjuri  tak kérah bisah é bêktah pleman,”   ca’ epon Hasim.

Sekadêr ekaoningih, Sumhadi alias Matjuri (35) warga Desa Jamintoro, Kecamatan Sumberbaru,  adinggêl dunyah ning rumah sakek  Malaysia,  sêbêb  sakék kangker perok.

Sebektoh sake’ onggunah Sumhadi ampon bedih ébêktah pleman sareng pemkab Jember, ananging tak angsal edih dêri Kerajaan Malaysia.

Ampon depak de’ pasténah, Sumhadi se ampon deddih TKI molaeh taon 2014 kapondut sareng sé Kobêsah.

Benni karo Sumhadi se bêdih ébêktah pleman, Pemerintah Kabupaten Jember jugên  bedih abektah pléman  jenazah M Ilham,  jugen  warga  Kecamatan Sumberbaru. Mayitepon  ampon setenga bulên  lebbi gi’ bêlum bisah pleman dêrih Malaysia.

“Ngantos semangken gi’ eoros    administrasinah sopajeh bisah é bêktah pléman,” debunah Bêkkel  Bupati Jember Drs KH Abdul Muqit Arief, sa amponah masra’agi  jenazah Sumhadi é dêlêmepon  almarhum, Desa Jamintoro, Sumberbaru, Jumat (12/7/2019).

K Muqit aromasah prihatin  ngoladih  due’ warganah se deddih  TKI ilegal ning Malaysia. Ajunanepon maemgak de’ sedejeh masyarakat Jember,  manabi bedih nyareh kasab de’ loar negereh  sopajeh lébêt jelen se  samestenah.  Je’ lebet tékong.

“Manabi lebet jelen se resmi kedi’ manabi bedeh pa’ ponapa’an tak répot orosênah,”  debunah K Muqit. Tolesan panekah e sadur derih Lontarnews.com (*)

 

TINGGALKAN KOMENTAR

Silakan masukkan komentar anda!
Silakan masukkan nama Anda di sini