banner 728x250

SDG’s Genikoh Kakanan Napah Cak ?!

  • Bagikan
banner 468x60

jempolindo.id -Jember – “SDG’s genikoh kakanan ponapah cak ? ,” Jêwêb Ripul (40) warga Dusun Krajan Desa Sukorejo Kec Bangsalsari Jember nalekanah é tanyaagi bêb   SDG’s sé ampon é rêsmiagi sareng   Bupati Jember dr Faida MMR, Senin (15/7/19).

Maklum manabi gi’ benyak reng disah se tak oning sebuden SDG’s, lakar kampong SDGs (Sustainable Development Goals) otabeh Pembangunan Berkelanjutan, sé gi’ buruh é resmiagi  ning  Desa Sukorejo, Kecamatan Bangsalsari, lakar bêrêng anyar.

banner 336x280

Mitorot debunah Bupati Faida, kampong SDG’s genikoh hasel kerjasama Badan Amil Zakat Nasional (Baznas) asareng PBB. Nerosagi kerjasama, Jember semangken Ngawellih ning Dusun Krajan Desa Sukorejo.

“É pélé dusun penakah polanah compokepon Ketua Baznas Jember, KH Misbahussalam palongguenaepon bedeh ning e kaentoh,” debuepon Bupati delem Bahasa Indonesia.

Buk Faida ngarep, disah laenepon sami norok buntek sopajeh bisa mecek odi’en mak sajen mapan.

Tojuenepon SDG’s onggunah sopajeh bedeh  kesetaraan gender ( hak sareng kewejiben lakek binih panekah sami),   akses kesehatan sajen ratah, pendidikan, ningkatagi  ekonomi, tor mokka’  kelakoan,  lebi – lebi bisa ngorangih   kelaparan sareng  kemiskinan.

“Toreh sami abukteagi, jek lamon abangun panikah lebi cepet e krasah haselepon manabi areng sareng. Tantonah parlo bektoh, ananging kauleh  yekin   tor partajeh, kelakoan panikah koduh e molaeh sopajeh kedi’ deddih conto disah laenepon,” cator Bupati e delem Bahasa Indonesia.

Tak langkong, Ketua Basnaz Jember, Misbahus Salam, jugen aparéng keterangan, leres manabi Baznas Jember nerosagi  program  Baznas pusat se ampon  kerjasama sareng   UNDP tor TPD, kaangguy abangun   program  berkelanjutan otabeh kasebut SDGs.

“Panikah panemoh Baznas Jember  abedih kampong SDGs,” debunah K Misbah.

E bektoh bingkeng,     motorot  Misbahus Salam,  Kampong SDG’s bekal maringih modal    UMKM tor  kelakoan  de’ oreng se gi’ nganggur.

“Baznas omggunah ampon magimpok    zakat, infaq, sodaqoh, sedejemah ampon e begi  dek se ngagungih hak,” atorepon.

Baznas Jember ampon jeg ngajek dek sedejeh kaom, sopajeh sami – sami asarengan, termasok  maringi dukungan sopajeh nak kanak bisa pateng asinau,   sedejeh bisa a sekola ngantos kulliyeh.

“Baznas  siap marengih  beasiswa nak kanak  se kesokan asekola.  Karanah SDGs genikoh  tojuenepon  program pembangunan  berkelanjutan,”  Mishabus Salam mongkaseh debunah.

Berita e tokel sebegiyen deri Lontarnews.com (*).

banner 120x600
  • Bagikan

Tinggalkan Balasan

Alamat email Anda tidak akan dipublikasikan. Ruas yang wajib ditandai *